SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

Rruga e re Palasë-Dhërmi, e lidhur me tunelin e Llogorasë, do të lehtësojë ndjeshëm trafikun dhe do të rrisë cilësinë e shërbimeve në zonë. Kështu u shpreh sot Kryeministri Edi Rama ndërsa publikoi në rrjetet sociale foto nga punimet në këtë aks.

“Në aksin Palasë-Dhërmi, ku po zhvillohet një program i tërë investimesh në hotele me 5 yje që do ta ngrenë turizmin e Jonit në një nivel tjetër, po punohet edhe për rrugën e re të lidhur me tunelin e Llogorasë, e cila do të lehtësojë ndjeshëm trafikun e do të rrisë cilësinë e shërbimeve në zonë”, shkruan Kryeministri. Po ashtu, Rama informoi se “kanë përfunduar të gjitha veprat e artit dhe ndërtimi i sistemit terramesh”.

Rruga Palasë-Dhërmi me gjatësi 4.45 km, pjesë e aksit Orikum-Himarë, është një vepër me rëndësi strategjike për turizmin në rivierën e Jonit.

Aktualisht ka nisur puna për hedhjen e shtresës së parë të asfaltit. Sipas ARRSH-së, punimet kanë ecur me ritme të larta në këtë kantier, ku ka përfunduar ndërtimi i trupit të rrugës së bashku me zgjerimin nga kilometri 0 deri në kilometrin 2.5. Projekti parashikon ndërtimin e disa rrugëve sekondare për aksesimin e zonave turistike të banuara, si dhe akses me dalje në tunelin e Llogorasë.

Në total ndërtimi i rrugës do të kushtojë 16 milionë dollarë. Rruga do të jetë e një kategorie të lartë për sa i përket sigurisë rrugore, ndërsa pritet të përfundojë në fillim të sezonit të ardhshëm veror.///

error:
%d bloggers like this: