SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

Bardhi: Berisha nuk është e ardhmja e PD-së

Deputeti i Partisë Demokratike, Gazment Bardhi është shprehur se edhe nëse Gjykata e Apelit i jep të drejtë Sali Berishës, ai nuk e sheh si të ardhmen e PD-së, e aq më tepër të Shqipërisë.

Gjatë një interviste televizive, Bardhi tha se është e paimagjinueshme që kjo parti të rikthehet 32 vite më parë.

“Unë nuk mund të dal në 2025-ën duke thënë se kandidati ynë për kryeministër është Sali Berisha. Unë nuk e bëj dot, edhe nëse gjykata i jep të drejtë, prapë nuk do e bëja, se unë nuk e besoj as vetë. Nuk përfshihem në asnjë iniciativë për asnjë parti tjetër. Ka qenë kjo parti që më dha mandatin e përfaqësuesit e partisë, nuk do përfshihem kurrë në asnjë iniciativë për krijim partie, Berisha nuk është e ardhmja e PD-së dhe as e Shqipërisë dhe prandaj nuk mundem t’i them që do duhet ta votosh atë. Kjo do ishte e paimagjinueshme. E paimagjinueshme që kjo parti të rikthehet 32 vite më parë, nëse nuk prodhon një lider të ri apo alternativë të re, por mbetet peng i një individi, atëherë ka një problem të madh”, tha Bardhi.///

error:
%d bloggers like this: