SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

Berisha: “Ballkani i hapur” po falimenton fermerët

 Kryetari i Partisë Demokratike, Sali Berisha zhvilloi një takim me sipërmarrës në vend, nga ku deklaroi se nga projekti “Ballkani i hapur” po falimentojnë çdo ditë dhjetëra dhe qindra ferma.“Sepse prodhimet blegtorale dhe bujqësore po zëvendësohen me prodhimet e Serbisë, të cilat janë të paktën 80 herë më shumë të subvencionuara se prodhimet në Shqipëri”, tha ai gjatë fjalës së tij.

Kreu i PD-së, akuzoi qeverinë se po ndjek një politikë që synon shkatërrimin e bizneseve dhe largimin e shqiptarëve. Berisha bëri të ditur se numri i bizneseve në vend është përgjysmuar në periudhën 2013-2021, ndërsa ligjet fiskale u ndryshuan 40 herë.

“Bizneset në këto vite janë përgjysmuar. Nga 210 mijë biznese, sot numërohen 107 mijë. Ndaj bizneseve të vendit dhe të huaja u zbatuan praktika trysnie, gjobe, zhvatje të pashembullta. Në këto vite, 2013-2021, ligjet fiskale u ndryshuan 40 herë. Unë ju garantoj ju se po të marrësh të gjithë kontinentin dhe vendet e tjera së bashku, nuk përbëjnë një ndryshim 40 herë si në Shqipëri”, tha ai.///

error:
%d bloggers like this: