SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

Berisha: Kavaja shënoi kryengritjen e parë paqësore antikomuniste

 Kryetari i PD-së, Sali Berisha gjatë një takimi me qytetarë të Kavajës u shpreh se “festimi i 32-vjetorit të themelimit të PD-së në Kavajë, degës së PD-së më të fuqishme, më aktive dhe me rol më përcaktues në betejat dhe fitoret e kësaj partie, është me rëndësi të madhe”.

“Viti 1990 ishte shumë i mundimshëm për shqiptarët, se të gjithë kishin ndryshuar përveç nesh dhe problemi ishte shumë i rëndë. Mendohej dhe besohej se ne nuk do të ndryshonim dot. Besohej se ne do të mbeteshim si Kuba e Adriatikut. Dhe ky mendim ishte shumë i përhapur, por kurrë jo në Kavajë”, tha Berisha.

Sipas tij, pas lëvizjeve të para të Janarit, 25-26 Marsi, do të shënonte kryengritjen e parë paqësore antikomuniste në Shqipëri, pas kryengritjes së armatosur të Postribës. Do të shënonte përballjen më të fuqishme në stadiumin, rrugët e këtij qyteti, do të shënonte triumfin e guximit, trimërisë, vendosmërisë, burrave dhe grave, djemve e vajzave të Kavajës.

“Studentët me 8 dhjetor, të gjitha sloganet i kishin të gatshme nga lëvizja antikomuniste e Kavajës. Pas themelimit të PD-së, PD-ja e Kavajës e themeluar këtu nga një grup punonjësish, intelektualësh, do të shndërrohej në pazmoren, bastionin, mburojën e Partisë Demokratike të Shqipërisë. Kavaja në çdo rrethanë u shndërrua në tmerrin e regjimit të Tiranës”, u shpreh ai.

Berisha vuri në dukje se, ka pasur momente të vështira, momente kur regjimi shpalosi të gjithë egërsinë e tij në Tiranë.

“Mobilizoi të dyndte drejt Tiranës vullnetarë të Enverit, por Kavajën nuk e kalonin dot. Problemi i tyre ishte se, nga Kavaja nuk kalonin dot. Kështu që ata dështuan dhe ne së bashku me demokratët e Kavajës dhe gjithë Shqipërisë, përmbysëm me një revolucion paqësor, diktaturën më të egër, dhe nisëm rrugën e demokracisë, hapjes së vendit dhe interesit kombëtar”, deklaroi Berisha.///

error:
%d bloggers like this: