SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

Berisha: Më 6 dhjetor do vërshojmë në shesh, refuzimi i policisë i paqenë

 Kryetari i PD-së, Sali Berisha ka reaguar sot në lidhje me refuzimin nga Policia e Shteti për të zhvilluar protestë e lajmëruar me 6 dhjetor, ditën e Samitit të BE-së me vendet e Ballkanit Perëndimor. Në një komunikim në rrjetet sociale, Berisha tha se Policia e Shtetit njoftoi mbrëmë se nuk njeh Kushtetutën dhe ligjet e vendit.

“Lidhur me këtë njoftim, i rikujtoj këtyre vasalëve të Edi Ramës, se Kushtetuta nuk njeh kufizime për protestat dhe liritë e qytetarëve. Por krahas kësaj, ka një vendim të Gjykatës Kushtetuese, që vendos se protestuesi nuk ka asnjë detyrim që të njoftojë policinë. Së treti, policia e shtetit e Edi Rramës, po e trajton samitin e liderëve të BE, sikur këtu po mblidhen diktatorët e botës, në një kohë kur ata që vijnë në Tiranë janë shtetarë të zgjedhur me votën e lirë. Komisioni Europian, për të qartësuar pozicionin evropian, kërkoi që e drejta për protestë të respektohet. Prandaj ai refuzim është i paqenë. Ai tregon fytyrën e vërtetë të këtij regjimi që është i tmerruar nga populli opozitar që do të mbushë sheshin më datën 6 në orën 12”, shprehet ai.

Po ashtu Berisha foli dhe për mbledhjen e dy Kuvendeve, Kosovë-Shqipëri.

Sipas Berishës, Rama është një vasal i Vuçiçit të tij dhe nuk mund të paraqitet si patriot apo atdhetar.

“Por Edi Rama do preferonte më shumë që parlamenti i Kosovës të mblidhej në parlamentin e Serbisë.Ky është një përvjetor dhe unë do i them fjalët e mia në aktivitetin e përbashkët.Me këtë rast i përshëndes deputetët e Kosovës. Rama është një vasal i Vuçiçit të tij. Nuk mund të paraqitet si patriot apo atdhetar, por një armik i vendosur i pavarësisë së Kosovës dhe ardhmërisë së saj në BE”, tha ai.///

error:
%d bloggers like this: