SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

Berisha: Samiti i 6 dhjetorit në Tiranë, përzgjedhje gjeostrategjike me rëndësi historike

 Kryetari i Partisë Demokratike, Sali Berisha u shpreh sot se “samiti i 6 dhjetorit në Tiranë i jep goditjen fatale projektit të Ballkanit të Hapur”.

Në një takim me demokratë të degës 5 në Tiranë, Berisha e cilësoi moment historik jo vetëm për PD-në, por për shoqërinë shqiptare në tërësi, faktin që në datën 6 dhjetor, mblidhen këtu në Tiranë të gjithë liderët e BE-së dhe Ballkanit Perëndimor në një samit të përbashkët.

“Dhe ky është një nder i papërsëritshëm për Shqipërinë dhe një përzgjedhje gjeostrategjike e një rëndësie historike me të cilin Europa Perëndimore i thotë Vladimir Putinit dhe të tjerëve, se Shqipëria është territori ynë dhe harroni se mund të keni ambicie të tjera”, tha ai.

Berisha tha se “në këtë mënyrë, ky samit në rrafshin strategjik është në interes madhor për shqiptarët dhe i jep një goditje fatale, për të mos thënë përfundimtare, projektit të Ballkanit të Hapur, i mbështetur haptas nga Lavrov”.///

error:
%d bloggers like this: