SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

Berisha: Situata në Shkodër dramatike, KESH kreu krim

Kryetari i Partisë Demokratike, Sali Berisha vizitoi dje Shkodrën, ku u njoh nga afër me situatën e krijuar pas reshjeve të shumta që kanë përfshirë vendin tonë prej më shumë se 48 orësh. Berisha, duke e cilësuar si dramatike situatën në këtë zonë, ku një ditë më parë humbën jetën dhe 2 persona, u shpreh se gjendja ishte dëshmi e plotë e papërgjegjshmërisë nga autoritetet pas hapjes së portës së HEC-it të Vaut të Dejës.

“Është dëshmi e plotë e papërgjegjshmërisë. KESH kreu krim. Mbrëmë kanë hapur tunelet e Komanit, kanë derdhur nga porta e Vaut të Dejës, 2 mijë metër kub në sekondë, përveç se sa kanë derdhur nga turbinat, të gjitha këto se nuk dilnin dot nga skema e vjedhjeve të tyre”, tha ai. Berisha theksoi se reshjet ishin tërësisht dhe plotësisht të parashikuara, qoftë nga Instituti i Gjeoshkencave, apo stacioni meteorologjik italian, që në mënyrë specifike ka parashikuar reshje ekstreme dhe përmbytje në alpet e veriut. Ai bëri përgjegjës për situatën kryeministrin Edi Rama dhe zv/kryeministren, njëherësh ministre për Infrastrukturën dhe Energjinë, Belinda Balluku.

“Të gjithë të dhënat tregonin se do të kishte reshje ekstreme, por i kishin sytë te paratë që do vidhnin, që i kishin prokuruar për të blerë 10 milionë euro energji elektrike, nga të cilat së paku 5 milionë i fusin në xhep. Tani që ka plasur skandali, përpiqen që të mashtrojnë dhe të justifikojnë. E vërteta është se nuk donin të ndalonin vjedhjen”, tha ai.///

error:
%d bloggers like this: