//ATSH/ -Ambasada e SHBA u ka bërë thirrje sot qytetarëve amerikanë të planifikojnë kthimin e menjëhershëm në SHBA, përveç rasteve kur janë të përgatitur për të qëndruar në Shqipëri për një kohë të pacaktuar.
Në një njoftim për shtyp thuhet se, “ambasada e Shteteve të Bashkuara të Amerikës nxit qytetarët amerikanë të planifikojnë kthimin e menjëhershëm në Shtetet e Bashkuara, përveç rasteve kur jeni të përgatitur për të qëndruar në Shqipëri për një kohë të pacaktuar”.
“Të gjitha pikat kufitare janë të mbyllura dhe për momentin ka vetëm një fluturim ditor që niset nga Shqipëria, i kompanisë Air Albania”, thuhet në njoftimin e ambasadës amerikane.
“Nuk ka asnjë informacion të dhënë për sa kohë do të vazhdojë ky fluturim. Fluturimi i Air Albania niset nga Tirana për në Stamboll, ku ju mund të merrni fluturimet për në Shtetet e Bashkuara”, theksohet në njoftimin e ambasadës amerikane.///
ME SHUME LAJME
10 vite drejtues i vendit, keni plane të vijoni? Rama për BBC Radio: S’do ndalem sa kohë ndjej zjarr brenda meje
Rama në BBC: T’i vësh krimit vulë etnike është në vetvete krim
Himarë. Pranga për një 38 vjeçar. Rast i veprimtarisë kriminale kundrejt fitimit për trafikim klandestinësh.