SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

“Punonjësit që kanë punuar në të zezë nuk do të përfitojnë nga paketa e luftës”, tha sot Koordinatori për situatën e Emergjencës Arben Ahmetaj.

Ahmetaj u shpreh në një intervistë televizive se punonjësit sezonalë, që kanë punuar jashtë vendit, por tashmë kufijtë janë mbyllur, mund të shihen tek pagesa e papunësisë, por duhet më parë të regjistrohen si të papunë.

Ai sqaroi se pagesat e sigurimeve nuk shtyhen, pasi nëse do t’i shtynim që shkojnë 7.9 miliardë lekë në muaj i binte që ne të mos arrinim të paguanim dot pensionet.

Ndërkohë Ahmetaj shpjegoi edhe raportin me bankat, për të cilin ankohen shumë qytetarë, lidhur me mos zbatimin e vendimit për shtyrjen e kësteve të kredisë.

“Qytetari të ankohet në faqen e Bankës së Shqipërisë, ajo ja kalon njësisë monitoruese dhe njësia merret me bankat”, – tha Ahmetaj.

Ahmetaj u shpreh gjtihashtu se “të gjitha bizneset e lejuara për punë, mund të punojnë edhe pas orës 13:00. Policia është shumë e qartë që nuk do të pengojë asnjë biznes të punojë pas orës 13:00, përveç bizneseve specifike që nuk janë të lejuara”/ATSH/ R-SR//

error:
%d bloggers like this: