SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

Gjirokaster: Rriten vizitorët dhe të ardhurat nga objektet e trashëgimisë kulturore

Vizitat turistike në Kalanë e Gjirokastrës për këtë sezon turistik kanë ardhur duke u rritur.

Sipas të dhënave nga DRTK Gjirokastër, rezultojnë 137,556 mijë vizitorë gjatë periudhës janar-dhjetor 2022 ose 82,144 vizitorë më shumë se gjatë të njëjtës periudhë në vitin 2021.

Rritje ka pësuar edhe numri i vizitorëve të Antigonesë. Vizitat turistike në Parkun Arkeologjik Antigone për këtë sezon turistik kanë arritur në 1774 mijë vizitorë gjatë periudhës janar-dhjetor 2022 ose 1182 vizitorë më shumë se gjatë të njëjtës periudhë në vitin 2021.

Ndërkohë ministrja e Kulturës, Elva Margariti, njoftoi se bashkë me rritjen e numrit të vizitorëve në objekte të trashëgimisë kulturore si kala, parqe, muze e monumente, janë rritur edhe të ardhurat nga shitja e biletave.

“Është një rritje e dukshme, krahasuar me vitin 2021. Më shumë të ardhura, do të thotë më shumë kujdes për trashëgiminë kulturore”, shkroi Margariti në rrjetet sociale.

Të ardhurat nga objektet e trashëgimisë kulturore në 2022-shin, arritën në 239,002,490 lekë, ndërkohë që një vit më parë të ardhurat ishin rreth 146 milionë lekë. ///

error:
%d bloggers like this: