SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

INSTAT: Mbi 6.7 milionë të huaj vizituan Shqipërinë

 Shqipëria është afër një bumi turistik dhe marketimi në mediet më prestigjoze ndërkombëtare, por edhe investimet në infrastrukturë po japin efektet pozitive, si për sa i përket rritjes së numrit të turistëve, ashtu dhe tek të ardhurat që ekonomia përfiton nga turizmi.

INSTAT publikoi sot raportin mbi lëvizjen e shtetasve, sipas të cilit mbi 6.7 milionë shtetas të huaj vizituan Shqipërinë në dhjetëmujorin janar-tetor të këtij viti, duke shënuar rritje me 31.2 %, në krahasim me të njëjtën periudhë të vitit 2021, kur vendin tonë e vizituan 5.1 milionë shtetas të huaj.

Nga këta, 6.3 milionë kanë deklaruar se qëllimi i vizitës së tyre është për pushime dhe vizitë te të afërm.

Përgjatë dhjetëë muajve të 2022-shit, nga vendet që kanë hyrjet më të larta të shtetasve në Shqipëri, Spanja ka pasur rritjen më të madhe me 3,8 herë dhe Anglia me 97,6 %, ndërsa Zvicra ka pasur rritjen më të ulët me 13,3 %, krahasuar me të njëjtën periudhë të vitit 2021.

Vetëm gjatë muajit tetor, referuar të dhënave të INSTAT-it, hyrjet e shtetasve shqiptarë dhe të huaj në territorin shqiptar janë 754.385. Ky tregues rezulton me një rritje 25.4 %, krahasuar me tetorin e 2021-shit.

Në tetor të këtij viti, numri i shtetasve të huaj që kanë hyrë në territorin shqiptar është 365.227. Ky numër është rritur me 23 %, krahasuar me tetorin e 2021-shit.

Të dhënat e Bankës së Shqipërisë në bilancin e pagesave tregojnë se shpenzimet e të huajve në Shqipëri, në 6 muajt e parë të vitit arritën në 1.13 miliardë euro, me një rritje prej 64% në krahasim me të njëjtën periudhë të një viti më parë, kur vendi vuante ende pasojat e pandemisë.

Edhe në raport me 2019-ën, prurjet valutore të të huajve në Shqipëri u rritën me 32%.

1 nga 2

error:
%d bloggers like this: