Parkingu nëntokësor me rreth 300 vende në Sheshin “Çerçiz Topulli” në Gjirokastër ka përfunduar në masën 90%. Ministrja Mirela Kumbaro publikon disa foto nga kjo vepër e cila është një zgjidhje shumë e madhe për zonën muzeale të qytetit.
“Që tani ka marrë jetë një hapësirë e rinovuar dedikuar aktiviteteve dhe festave, duke shtuar njëherazi kapacitetin e parkimit pa cënuar mrekullinë e peizazhit të qytetit”, shkruan Kumbaro.
Pritet që në javët e ardhshme parkingu të kompletohet me sinjalistikën e duhur dhe elementë të tjerë të domosdoshëm. Më pas hyrja në të do të tarifohet kundrejt një vlere që siç mëson Argjirolajm.net pritet të jetë 100 lekë/orë. Por do të ketë gjithashtu vende të rezervuara për institucionet publike dhe tarifa të tjera preferenciale për kategori të vecanta si para e tetraplegjikët.
Megjithatë kjo pritet të zyrtarizohet më vonë. Parkingu do të mbetet për 15 vjet në administrim të përbashkët 50% ne 50% mes Bashkisë Gjirokastër dhe Fondit Shqiptar të Zhvillimit. Në fund të kësaj periudhe vepra i kalon plotësisht Bashkisë Gjirokastër. ///
ME SHUME LAJME
Delvinë: Në qytet çmontohen kamera në kundërshtim me ligjin
Kumbaro me kryebashkiakun e Athinës: Promovim i ndërsjellë në turizëm
Berisha: PD në këmbë, deri në largimin e Ramës