Ministrja e Turizmit dhe Mjedisit, Mirela Kumbaro mori pjesë në aktivitetin “Dita e Shqipërisë në Tokio”, që u mbajt me rastin e viizitës në Japoni të delegacionit shqiptar të kryesuar nga kryeministri Edi Rama.
Kumbaro ndau në rrjetet sociale një album fotografik, teksa e cilësoi si mjaft emocionues takimin me komunitetin shqiptar në Tokio.
“Emocionues takimi me komunitetin shqiptar në Tokio, studentë dhe profesionistë të suksesshëm që kanë ndërtuar jetën në Japoni duke qenë promotorët më të sinqertë të vendit tonë”, shkroi Kumbaro.
Ministrja e Turizmit dhe Mjedisit ka mbajtur gjithashtu takime të frytshme me sipërmarrës, gazetarë të interesuar për Shqipërinë, mbi të gjitha për turizmin, dhe miq japonezë të Shqipërisë.
Kumbaro është shprehur se, këto takime shërbejnë për forcimin e marrëdhënieve mes dy shteteve, Shqipërisë dhe Japonisë si dhe në rritjen e flukseve turistike duke filluar nga ky vit.
ME SHUME LAJME
PS.Mbledhja e kryesisë përcakton kandidatët për kryebashkiakë. Emrat për Qarkun Vlorë dhe Gjirokastës.
Pranga 54-vjeçarit në Kakavijë. Mijëra euro të padeklaruara në çantë
Ermal Dredha, diplomati që do të kandidojë për kryetar bashkie nga PS në Vlorë