SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

“Le Soir” promovon Ksamilin dhe Shqipërinë, Rama: Maldivet në zemër të Europës

Gazeta më e madhe në Belgjikë, “Le Soir”, promovon Shqipërinë si “Maldivet në zemër të Europës”.

“Le Soir” i drejtohet lexuesve të saj duke u shprehur se është e mundur të mahniten dhe të përfitojnë nga asetet e Maldiveve pa u larguar nga Evropa. Artikulli i “Le Soir” që u bën jehonë plazheve të Ksamilit dhe vijës bregdetare u përcoll nga Kryeministri Edi Rama në rrjetet sociale.

“Pas BBC në Britani, ftesa e radhës vjen nga gazeta më e madhe në Belgjikë ‘Le Soir’ që në këto ditë të para janari promovon Shqipërinë si ‘Maldivet në zemër të Europës’, duke i bërë jehonë plazheve të Ksamilit, gjireve të vijës bregdetare, akomodimit në hotelet cilësore dhe siteve arkeologjike që duhen vizituar se s’bën”, u shpreh Kryeministri Edi Rama.

SHKRIMI I PLOTE I “Le Soir”

Janari konsiderohet si muaji më i trishtë i vitit. Po sikur ta zbusni zemrën duke e planifikuar që tani udhëtimin e rradhës? Drejt Europës lindore, ku shplodhja është e garantuar!

Nuk ka nevojë të shkosh gjithmonë larg për të ndryshuar vend, për të zbuluar botën e për t’u shkëputur krejtësisht. Faqja “Staycation” arriti që gjatë krizës të bindë shumë njerëz të bënin udhëtime më pranë shtëpisë, deri në atë pikë sa zakonet tona të udhëtimit ndryshuan. Nuk bëhet më fjalë për t’i hipur avionit e për të ikur në anën tjetër të botës duke shkaktuar një dëm kolosal mjedisor, sepse ka ardhur momenti për t’u maturuar dhe për të rishikuar mënyrën tonë të të udhëtuarit. Ky është prioriteteti kryesor. Megjithatë, kjo s’do të thotë të privohemi nga udhëtimi: pas dy vitesh pandemie, kemi nevojë të rigjenerohemi më shumë se kurrë, e të udhëtuarit padyshim që na mundëson të shplodhemi. Por ku duhet të shkojmë pa patur një impakt ekologjik aq të lartë sa me të drejtë, na bën të ndihemi fajtorë?

Parajsë, por jo e magjepsur

Nëse ëndërroni rrugë të gjata me rërë të bardhë dhe laguna blu, me siguri ju shkon mendja tek Maldivet. Me 8256 kilometrat që ndajnë kryeqytetin tonë nga ky arkipelag që gjendet jashtë Oqeanit Indian, dhe 10 orë e gjysmë fluturim direkt nga Brukseli, ky destinacion është shumë larg në listën e ambientalistëve dhe atyre që duan të reduktojnë ndikimin e tyre negativ në planet. Përveç të qenit një destinacion shumë i largët, prapaskenat e këtij ishulli “parajsë” kanë larguar shumë njerëz, veçanërisht për shkak të menaxhimit të dobët të mbetjeve, gjë që në dekadat e fundit i ka dhënë atij pseudonimin “ishulli i plehrave”.

Perla e Adriatikut

Po sikur t’ju thoshim se mund t’i keni Maldivet, pa u larguar nga Europa? E keni të vështirë ta besoni? Në Tik-Tok dhe në Instagram, ekziston një destinacion që po bën bujë: Shqipëria, një vend ballkanik në Europën Juglindore. 2136 kilometra larg kryeqytetit tonë, Shqipëria duket se është kompromisi ideal për ata që janë në kërkim të hapësirave të mëdha si ato në Maldive. Në rrjetet sociale, Shqipëria ka marrë pseudonimin “Maldivet e Europës”.

Është veçanërisht bregeti i Ksamilit, që gjendet në jug të vendit, i cili tërheq njerëzit me hapësirat ujore që vazhdojnë përtej asaj që sheh syri. Plazhi i Ksamilit konsiderohet gjithashtu një nga më të bukurit në Europë. Për shkak se Riviera Shqiptare ka më shumë se 100 kilometra vijë bregdetare, aty gjenden gjithashtu gjire të fshehura dhe zona arkeologjike që të lënë pa frymë. Prej disa kohësh, Ksamili është kthyer natyrshëm në “the place to be” dhe tanimë aty ka edhe shumë hotele luksoze, që të kujtojnë ato në Maldive. Një nga pikat e nxehta? Padyshim plazhi i Pemës së Thatë, me shezlonget që gjenden mbi det e mbulohen nga tenda me kashtë.

Fakti që ky destinacion josh aq shumë, është edhe për shkak të çmimeve shumë më të volitshme se Maldivet; për një javë pushime në hotel, llogarisni mesatarisht 1,043 € për dy persona, kundrejt 2,718 € për të njëjtin qëndrim në Maldive, sipas vlerësimeve që jep faqja Ou-et-Quand.net. Në këtë mënyrë, kurseni goxha para në buxhetin tuaj të pushimeve dhe nuk vuani nga jet lag. Pra, çfarë po prisni për të rezervuar? /*Link artikulli: https://sosoir.lesoir.be/cette-destination-europeenne-proche-de-bruxelles-vous-donnera-limpression-detre-aux-maldives///

error:
%d bloggers like this: