Nga 1 janari, nënave me 3 fëmijë të mitur u paguhen sigurimet

Nga 1 janari i vitit 2023 qeveria do të nis pagesën e sigurimeve shoqërore dhe shëndetësore për nënat më 3 fëmijë të mitur.

Kryeministri Edi Rama e bëri të ditur sot lajmin gjatë një deklarate për mediet pas mbledhjes së Këshillit të Ministrave.

“Kemi marrë vendimin për të filluar nga janari aplikimin e një tjetër mase të konsultuar me publikun gjatë Këshillimit Kombëtar për nënat e papuna me 3 fëmijë të mitur, të cilave qeveria do tu paguajë sigurimet shoqërore dhe shëndetësore, sikur të ishin në punë”, tha Rama.///