SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

Nikolla: Greqia, fqinj dhe mik i çmuar i Shqipërisë

-Kryetarja e Kuvendit, Lindita Nikolla, priti sot Ambasadoren e Greqisë, Sophia Philippidou, me rastin e përfundimit të misionit të saj në Shqipëri. Nikolla vlerësoi kontributin e Ambasadores Philippidou në promovimin dhe avancimin e marrëdhënieve dypalëshe dhe bashkëpunimit intensiv parlamentar.

“Greqia është një fqinj dhe mik i çmuar i Shqipërisë, partner i rëndësishëm ekonomik, tregtar dhe investime, partner i ngushtë në NATO dhe mbështetëse e vendosur e rrugëtimit tonë evropian. Mes Kuvendit të Shqipërisë dhe Parlamentit të Greqisë ka një bashkëpunim intensiv, i cili vjen duke u zgjeruar e fuqizuar. Minoriteti grek në Shqipëri dhe emigrantët shqiptarë në Greqi janë ura të rëndësishme që lidhin e forcojnë miqësinë mes dy vendeve dhe dy popujve tanë.”, theksoi Nikolla.

Nga ana e saj, Ambasadorja Sophia Philippidou falenderoi kryetaren Nikolla për vlerësimin e kontributit të saj si edhe bashkëpunimin mes dy vendeve dhe nënvizoi se ishte një nder të shërbente në Shqipëri, të bashkëpunonte me Kuvendin dhe kontributi i saj në forcimin e bashkëpunimit e miqësisë mes dy vendeve do të vijojë.///

error:
%d bloggers like this: