Kryeministri Edi Rama publikoi njoftimin e sotëm të OBSH-së, e cila ka përgëzuar qytetarët shqiptarë për bashkëpunimin në zbatimin e masave të marra nga Qeveria për të siguruar distancimin shoqëror.
“Ja edhe OBSH-ja një minutë më parë, që ta dini kur të dëgjoni togfjalëshin OBSH nga ata që kanë vite të tëra pa punë dhe tregojnë nga ekranet e nga portalet se si bëhet puna”, theksoi Rama.
“Në shpërthimin e tanishëm epidemik të COVID-19, Zyra e OBSh-së në Shqipëri dëshiron të shprehë vlerësimin dhe mirënjohjen ndaj punonjësve të Shëndetit në Shqipëri, për angazhimin dhe përkushtimin e tyre ndaj qytetarëve në këto kohë të vështira. OBSh-ja dëshiron gjithashtu të përgëzojë qytetarët shqiptarë për bashkëpunimin në zbatimin e masave të marra nga Qeveria për të siguruar distancimin shoqëror”, u shpreh sot zyra e OBSH në Shqipëri.
Sipas OBSH në Shqipëri, “Këto masa janë tanimë mjeti më i fuqishëm që, të gjithë bashkë, kemi për të kapërcyer këtë krizë. Zyra e OBSh-së në Shqipëri po punon duke u koordinuar ngushtësisht me Ministria e Shëndetësisë dhe Mbrojtjes Sociale për të siguruar që vendimet e marra të jenë në përputhje me rekomandimet e OBSHsë”.
Në këtë drejtim, shton zyra e OBSH në Shqipëri, “ne duam të theksojmë se vendimi për t’u testuar për COVID-19 duhet të bazohet në faktorë klinikë dhe epidemiologjikë, dhe që janë të ndërlidhur me një vlerësim të mundësisë për t’u infektuar. Testimi PCR i kontakteve asimptomatike ose lehtësisht simptomatike mund të konsiderohet në vlerësimin e individëve që kanë pasur kontakt me një rast COVID-19. Protokollet e depistimit duhet të përshtaten me situatën lokale”.
ME SHUME LAJME
Tragjike! Mes viktimave nga koronavirusi, edhe gazetarja e njohur
“coronavirus.al”/ 259 të prekur, 76 të shëruar, 15 viktima dhe 1823 teste të kryera
FJALË TË ÇMUARA/ KA MILIONA MBIJETUES, BËJI NJË MILION E NJË