SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

Bashkia Sarandë në bashkëpunim me Zyrën Vendore Arsimore, drejtoritë e Shkollave 9-vjeçare të Bashkisë Sarandë organizojnë konkursin: “ARTISTI I VOGËL”, një event kulturor që finalizohet më 7 Mars në Ditën kombëtare të Mësuesit.

Sipas burimeve të organiyatorëve, Konkursi zhvillohet për të zbuluar, nxitur dhe promovuar prirjet dhe talentet në fushën e artit pamor. 

Të njëjtat burime sqaruan se kriteret e pjesëmarrjes janë disa: Nxënës të të dy cikleve nga shkollat 9-vjeçare të Bashkisë Sarandë. Secili nxënës mund të marë pjesë vetëm me një krijim artistik që i dedikohet 7 e 8 marsit. Krijimet duhet t’i kushtohen temës së mësuesit, nënës, gruas etj.

Lidhru me kategoritë e krijimtarive në artet pamore, ato duhet të jenë: pikturë, vizatim, grafikë etj,. Ndërkaq punët artistike do të jenë të shoqëruara me tekstin shpjegues dhe me të dhënat të autorit/es:(Emër, Mbiemër, Titulli, Mosha, Shkolla)/

Mësohet se krijimet origjinale do të dorëzohen në Zyrën e Informacionit në Bashki, nga e hëna në të premte prej orës 09:00-14:00.Afati përfundimtar për dorëzimin e krijimeve artistike është: 28 shkurt 2023, në orën 14:00.

Burimet zyrtare thanë për sarandaNews.al se aktiviteti “Artisti i vogël” do të finalizohet me prezantimin e krijimeve artistike në Galerinë “Art-Saranda” më 7 mars 2023, si dhe më pas do të qëndrojnë të ekspozuara në hollin e Bashkisë dhe në vijim drejtoritë e shkollave mund t’i tërheqin punimet dhe të çelin ekspozita me krijime të nxënësve të tyre në mjediset e shkollave përkatëse.

Konkursi “Artisti i vogël” do të vlerësojë talentet e rinj me çmimet përkatëse në dy kategori: I-cikli i ulët i Shkollave 9-vjeçare, II-cikli i lartë i Shkollave 9-vjeçare. Për secilën kategori do të ketë: Një çmim të l-rë.  Dy çmime të ll-ta. Tre çmime të lll-ta.  Një çmim nga publiku.  Çertifikata Pjesëmarrje./sarandaNews.al///

error:
%d bloggers like this: