SARANDANEWS.AL

Lajme nga Saranda News Albania. Saranda Radio transmetim live nga Saranda dhe Ksamil. Lajmi fundit ne Saranda News.Al, Foto dhe Video Livestream

Tre të arrestuar për vrasjen dhe groposjen e shqiptarit në një plazh të Greqisë

Tre persona janë të dyshuar si autor të vrasjes dhe groposjes së shqiptarit në një plazh të Greqisë disa ditë më parë në zonën e Kyparisia. Të dyshuarit janë një 33-vjeçar shqiptar, një grua e të njëjtës moshës dhe një 24-vjeçar rom i cili ishte shpallur në kërkim por iu dorëzua policisë.

Nga hetimi i deritanishëm rezulton se këta persona kanë qenë së bashku me 31-vjeçarin shqiptar që u vra mbrëmjen e 6 Nëntorit. Viktima kishte me vete 10 mijë Euro atë mbrëmje të cilat do t’i dërgonte në Shqipëri përmes një të njohuri të tij.Mëngjesin e së hënës të 7 Nëntorit, të katërt u nisën me automjet drejt një plazhi të shkretuar në Kyparisia. Aty sulmuan shqiptarin duke e goditur me sende të forta në kokë, të cilat i shkaktuan vdekjen. Më pas e varrosën aty dhe i morën paratë.

Motiv i krimit besohet të ketë qenë grabitja. Kur autorët e dyshuar mësuan se kufoma ishte zbuluar, u larguan drejt Kalamatës. Por ata u arrestuan nga policia. Një pjesë e parave, 5300 Euro, iu gjetën gruas që ishte bashkëpunëtore në krim. Asnjëri prej tyre nuk pranon autorësinë e krimit, megjithëse konfirmojnë se natën vonë kanë qenë së bashku me viktimën në një lokal.///

error:
%d bloggers like this: