Një tendë nga UNICEF u ngrit sot paradite në Sheshin “Nënë Tereza”.
Burime te SARANDANEWS.AL mësuan se tenda e ngritur në zemër të qytetit është dedikuar për refugjatët ukrainas qe me gjasë, mund të mbërrijnë edhe në jugperëndim të Shqipërisë tani që lufta në Ukrainë ka hyrë në javën e tretë të saj.
Në kushtet kur ende nuk dihet edhe sa kohë do të zgjase agresioni rus mbi Ukrainën, kur sot kryequteti ukrainas Kiev, ndodhet nën shënjestrën e raketave ruse mbi civilet, dhe kur janë vrarë deri me sot mbi 1000 civile dhe 85 fmiië ukrainas, duket se masat e UNICEF shkojnë në drejtmin e duhur.
UNICEF (Fondi i Emergjencës i Kombeve të Bashkuara për Fëmijet), u themelua në vitin 1946.fillimisht për të lehtësuar pasojat e luftës.
Sheshi “Nënë Tereza”ne Sarande eshte bere edhe më pare vendi i mikpritjes se refugjateve te luftes.
Në verën e vitit 1999, në këtë Shesh sarandjotët pritën qindra bashkombas kosovarë të deportuar me forcë nga regjimi gjakatar i Milosheviçi .
UNICEF ka marrë mandatin e Asamblesë së Përgjithshme të Kombeve të Bashkuara që të mbrojë të drejtat e fëmijëve, të ndihmojë për përmbushjen e nevojave të tyre bazë dhe zgjerojë mundësinë e tyre për të arritur potencialin tyre të plotë, duke zbutur kështu një nga problemet sociale më të rënda të ditëve të sotme./SARANDANEWS.AL///
ME SHUME LAJME
Njësitë elitë të policisë në Shqipëri e Greqi, stërvitje të përbashkët në Tiranë
Mot me kthjellime, shtim gradual i vranësirave pas mesdite
Sport. Ekipi i “Adem SHEMES”, Kampion i Qarkut të Vlorës në basketboll