Rastet e infektimit me virusin e Nilit Perëndimor në Greqi vazhdojnë të rriten.
Agjencia Kombëtare e Shëndetit Publik (EODY) njoftoi sot se 232 persona janë infektuar që nga fillimi i vitit, ndërsa 19 prej tyre kanë humbur jetën.
Numri i rasteve është rritur më shumë se pesëfish që nga fundi i korrikut, kur ishin raportuar 42 raste. Një javë më parë, numri ishte 157.
Shumica e rasteve janë regjistruar në zonën e Athinës së Madhe, sipas EODY.
Virusi i Nilit Perëndimor përhapet përmes pickimit të mushkonjave. Shumica e personave të infektuar nuk shfaqin simptoma ose kanë vetëm shqetësime të lehta.
Rastet e rënda prekin kryesisht personat e moshuar dhe njerëzit me sëmundje ose probleme të tjera shëndetësore.
Epidemiologët u kanë bërë vazhdimisht thirrje qytetarëve të mbrohen nga pickimet e mushkonjave, ndër të tjera duke përdorur rregullisht dhe duke riaplikuar ilaçet kundër mushkonjave.(Atila KOTA)
ME SHUME LAJME
BLIC: Gimi, taksisti human i Urgjencës.
Shkon shteti tek problemi, jo problemi tek shteti
Berisha: PD nis shumë shpejt përgatitjet për zgjedhjet vendore