Sarandë. Procedim penal për një shtetas italian me thikë në brez dhe për një tjetër për kanosje me mjet prerës

Specialistët për Hetimin e Krimeve në Komisariatin e Policisë Sarandë referuan materiale në Prokurori dhe nisën procedimin penal për shtetasit:
• T. I., 32 vjeç, banues në Perugia, Itali, pasi më datë 04.07.2025, rreth orës 22:30, në lagjen nr. 1, Sarandë, është konstatuar nga Forca e Posaçme “Shqiponja”, duke ecur në bulevardin e qytetit me një mjet prerës (thikë), të cilin e mbante të vendosur në pjesën e pasme të rripit të pantallonave. Mjeti prerës u sekuestrua në cilësinë e provës materiale.
• A. M., 35 vjeç, banues në Gjirokastër, pasi dyshohet se në lagjen nr. 1, Sarandë, ka kanosur me thikë, për motive të dobëta, shtetasin E. N., 35 vjeç, banues në Lushnjë.
• Materialet iu referuan Prokurorisë, për veprime të mëtejshme./SarandaNews.al///