Ish-deputeti i PD-së Luçiano Boçi ka reaguar nga Elbasani në një deklaratë për mediet në lidhje me atë që e cilëson shkelje të ligjit elektoral, pasi sipas tij, drejtorët e shkollave kanë urdhëruar mësuesit të mbledhin të dhënat personale të prindërve.
“Nuk është vetëm përpjekja e dështuar me manipulimin e listave përmes zhvendosjes së votuesve në të gjithë Shqipërinë, nuk është vetëm mbledhja e kartave të identitetit me urdhrat e paligjshëm të drejtorëve të spitaleve, siç pamë në Peshkopi”, shprehet ai.
Sipas Boçit, drejtorët e shkollave janë urdhëruar të marrin të dhënat personale nga prindërit e nxënësve.
“Prindërve u është kërkuar në grupet e Whatsapp -it që të dërgojnë foto të kartave të identitetit, me justifikimin e teksteve mësimore. Ky është një keqpërdorim skandaloz që u bëhet shkollave, është një politizim i dëmshëm i qendrave të dijes, të cilat po kthehen në organizata partie. Prandaj ndodhem në shkollën “Onufri” në Elbasan. Drejtori i kësaj shkolle, Ervin Goxhaj, me urdhër politik dhe të paligjshëm u ka kërkuar mësuesve të mbledhin kartat e identitetit të prindërve.”, tha ai///
ME SHUME LAJME
Arta Dade. Ish-bashkëpunëtorja i çon mesazh të koduar Edi Ramës: Përvishju gjermanishtes, do të të duhet më shumë se shqipja e protestës!
Tragjike në Gjirokastër, mbytet një 62-vjeçar në liqenin e Viroit
Rama: Aeroporti i Vlorës do të hapet me patjetër