“Edukimi Mjedisor”, program për ndërgjegjësimin e brezave të rinj

Agjencia Kombëtare e Zonave të Mbrojtura me nisjen e vitit të ri shkollor ka rifilluar edhe programin “Edukimi Mjedisor”, për ndërgjegjësimin dhe edukimin e brezave të rinj mbi mjedisin.

Në kuadër të Ditës Botërore të Turizmit, stafi AdZM Lezhë zhvilloi orë mjedisore me nxënësit e shkollës 9-vjeçare “Kolec Mekshaj”, ku u promovuan disa nga atraksionet turistike, pjesë e zonave të mbrojtura.

Nëpërmjet vizatimit, nxënësit pasqyruan formën sesi ata i konceptojnë zonat e mbrojtura, si dhe mësuan më shumë mbi mënyrat për të shpëtuar mjedisin duke zvogëluar ndikimin e tyre në mjedis dhe se ndryshimi fillon me veprimet e një individi.Me ndihmën e shembujve konkret nxënësve iu dhanë këshilla se çfarë të bëjnë në jetën e tyre të përditshme dhe u inkurajuan që të informojnë edhe të tjerët për këtë.

Me anë të këtij programi pritet një rritje e ndërgjegjësimit mjedisor të brezit të ri në komunitetet e vizituara.///