Greqi. 39-vjeçari shqiptar vret gruan me çekiç dhe e fsheh për 1 javë në papafingo

GREQI – Një ngjarje e rëndë ka ndodhur në Ampelokipi të shtetit fqinj ku një shqiptar 39 vjeç ka vrarë me çekiç gruan e tij dhe ka fshehur trupin e saj për një javë në papafingon e shtëpisë.

Sipas mediave greke, ka qenë vetë 39-vjeçari që ka njoftuar policinë për masakrën. Vrasësi shqiptar është arrestuar, ndërsa në papafingon e shtëpisë është gjetur i futur në një qese të zezë të madhe, trupi i bashkëshortes së tij.

Autori pretendon se arsyeja pse vrau gruan e tij, ishte se kjo e fundit kishte lidhje jashtëmartesore me një burrë nga rrethi i tij i miqve.Dekompozimi i kufomës ka shkaktuar një erë te rëndë që ka pushtuar shtëpinë, raportojnë mediat, të cilat citojnë policinë që ndodhet në vendgjarje. ///