OPINION. ‘’Πράττε δικαία’’- ‘’Vepro me drejtësi’’

Nga Pirro NAÇI

“Unë me Enverin nuk dimë gjë, po e bëri Mehmeti me kokën e tij’’… Edhe kjo ‘’puna’’ e Edit me Kyriakon me ata politikanët grekë, që erdhën në Himarë dhe dhanë shfaqe unikale…Le atë foton me dropullitet, a thua se është një kopje e 45 viteve të shkuara, e 1978-tës. Na ‘’gërvishti’’ memorjen! Nejse, të shkuara të harruara, pak rëndësi kanë këto, të kthehemi tek ‘’diplomacia’’ e fb-së. Ne postimin e djeshëm, Rama i ‘’tërhoqi veshin’’ politikanëve grekë, t’i binden ligjit. Νομω πειθου, ja tha edhe në greqisht. Një shprehje që atyre i kujton historinë e lashtë, filozofët dhe demokracinë që i dhuruan botës…Ja tha me shumë ‘’diplomaci’’ e ‘’mirësjelljeje’’. Sa për politikat që ai drejton, respektimi i ligjit, bindja ndaj ligjit dhe demokratizimi i vendit vijnë më pas ose vonohet shumë por kjo pak rëndësi ka, thjesht çështje kohe…

Për të dhënë mend jemi më përpara se koha. Duke shkruar për të kaluarën e lavdishme të filozofëve të lashtë, në të vërtetë, pa dashje, i drejtohet dhe skicon skenarin e‘’dramës’’ së ardhme të mardhënieve me fqinjët. Kështu është… kur fshihesh nga thelbi i dialogut, ‘’mirësia’’ kthehet në hipokrizi. Me ‘’Belerin’’ kam frikë se në një masë të madhe refuzojmë përsëri t’i shikojmë problemet ashtu siç janë. Kërkojmë t’i zgjidhim ato me mendësitë e kohëve të shkuara dhe me slogane të modës së vjetër. Kjo, nga të dyja anët e kufirit. Nga njëra anë, Greqia s’ka pse i tregon Shqipërisë sa herë që një problem apo një person i ka marrë ‘’koka erë’’, kufirin tek thana. Rrugëtimi i Shqipërisë në Bashkimin Europian nuk është çështje vetëm e një personi apo e një qeverie. Këto lloj praktikash i ‘’bëjnë nder’’ dhe u ‘’shërbejnë’ politikanëve dhe politikat që ata zbatojnë…Të kundërtën duhet të bëjë, ‘’një orë e më parë’’ në bashkësinë europiane…kjo është ‘’formula’’ që i zgjidh problemet. Të tjerat, janë fjalë që i mer era… të gjendemi në punë.

Nga ana tjetër e kufirit, në Shqipëri , unë nuk kuptoj një gjë. Që e kishte personale me Belerin na e the para zgjedhjeve… Tani që kanë kaluar kaq muaj dhe ‘’problemi’’ është në ‘’duart’’ e Drejtësisë, ç’na duhen ‘’dacibaot’’ në fb… Organet ‘’kompetente’’ , nuk kanë zë, nuk dinë të flasin,, nuk kanë gojë?… ‘’Të humbasësh durimin do të thotë të humbashës betejën’’… diçka dinte Gandi. Tek ‘’Shtatë të Urtët e Greqisë’’, kishte edhe shumë sofizma të tjera. Njërën nga ato le ta kujtojmë për të mbyllur edhe këto pak rrjeshta, ’’Πράττε δικαία’’-‘’Vepro me drejtësi’’.