Pas miratimit të projektit, në Këshillin Kombëtar të Trashëgimisë Kulturore Materiale, filloi ndërhyrja emergjente në çatinë e kishës së Shëndëllisë, në Buhal të Përmetit.
Ministrja e Kulturës, Elva Margariti njoftoi se ndërhyrja filloi me heqjen e rasave të gurit dhe ngritjen e skelerisë për vijimin e punës, me pajantimin dhe heqjen e elementeve të çatisë, trarëve dhe mahive.
Kisha e Shëndëllisë (Kisha e Profet Ilisë) është objekt kulti, i shpallur Monument Kulture i Kategorisë I, në fshatin Buhal. Ajo ndodhet në një bregore në anë të fshatit pranë lumit Vjosë. Kisha përbëhet nga naosi drejtëkëndësh i gjatë, në drejtim lindje-perëndim, narteksi thuajse kuadratik në perëndim të tij dhe një hajat i hapur me pilastra kuadratike në anën Jugore. Narteksi dhe hajati janë shtuar për herë të parë gjatë rindërtimit të kishës(Nga Edlira RUZI)///
1 nga 7
ME SHUME LAJME
Mersini: Zjarri në Parkun Kombëtar të Llogarasë është shuar, vijon monitorimi
Rama: Protestuesit nuk janë mosmirënjohës, janë matësi i ri i standardeve tona
Shoqëruan gazetaren në Komisariat, Unioni i Gazetarëve reagon ashpër dhe paralajmëron Skënder Hitën: Përsërite dhe na gjen të gjithëve në protestë