Ministri i Brendshëm, Bledi Çuçi informoi sot se pas sulmit kibernetik të një ditë më parë, është rivënë në punë sistemi TIMS në pikat e kalimit kufitar, Rinas, Hani i Hotit, Kapshticë, Muriqan, Morinë, dhe Kakavijë.
Ministri bëri të ditur po ashtu se po vijohet puna në mënyrë të pandërprerë për rikthimin e sistemit TIMS në pikat e tjera të kalimit kufitar.
Çuçi tha se ekipi i IT në Drejtorinë e Përgjithshme të Policisë së Shtetit është asistuar edhe nga partnerët amerikanë.
“Përgëzime ekipit të IT në Drejtorinë e Përgjithshme të Policisë së Shtetit për punën pa ndërprerje që nga minuta e parë e sulmit kibernetik, për të rivënë në funksionim sistemet tona dhe veçanërisht atë TIMS. Gjithashtu falënderoj partnerët amerikanë që kanë qenë pranë edhe në këtë rast e po bëjnë çdo përpjekje për ta bërë Shqipërinë sa më të sigurt. Prej mesnatës sistemi TIMS është rikthyer në funksion të plotë në Pikën e Kalimit Kufitar Rinas. Po kështu është rivënë në punë edhe në pikat e tjera kufitare të vendit: Hani i Hotit, Kapshticë, Muriqan, Morinë, dhe Kakavijë. Aktualisht ekspertët tanë po vijojnë punën e pandërprerë për rikthimin e sistemit TIMS në Pikat e tjera të Kalimit Kufitar si dhe po marrin masat nevojshme për të mos pasur më ndërprerje”, u shpreh ministri.
Peleshi duke kërkuar mirëkuptimin e qytetarëve që janë ndeshur me vonesa, tha se është punuar prej momentit të parë kur u detektua sulmi kibernetik, për të garantuar mbi të gjitha paprekshmërinë e të dhënave dhe më pas për rikthimin në normalitet në kohën më të shpejtë të mundshme.
Që prej së premtes sistemet e ruajtjes dhe transmetimit të të dhënave në Policinë e Shtetit janë gjendur nën një sulm kibernetik të ngjashëm me atë që pësoi e-Albania në muajin korrik. Nga të dhënat paraprake rezulton që sulmi të jetë kryer nga e njëjta dorë./atsh///
| QYTETET | Temperaturat në °C | Sigla |
| Shkodër | 17/26 | Diell |
| Kukës | 13/23 | Diell pak re |
| Lezhë | 17/26 | Diell |
| Dibër | 13/26 | Diell pak re |
| Durrës | 17/31 | Diell |
| Tiranë | 20/28 | Diell |
| Elbasan | 20/29 | Diell pak re |
| Berat | 18/31 | Diell pak re |
| Vlorë | 18/28 | Diell |
| Korcë | 14/25 | Diell pak re |
| Gjirokastër | 15/31 | Diell pak re |
| Sarandë | 16/29 | Diell |
ME SHUME LAJME
“The Telegraph”: Shqipëria mes 10 vendeve më mikpritëse për turistët
Mot i kthjellët, vranësira kalimtare në relievet malore
Rritja e çmimeve të karburanteve, Mitsotakis shpall paketën 300 milionë euro me masa lehtësuese