Shëndeti.Provohet një mënyrë tjetër se si pirja e duhanit shkakton kancer

 – Lënia e duhanit është një nga zgjedhjet më të rëndësishme që mund të bëni për shëndetin tuaj. Një studim i sapo publikuar në Science Advances ofron një arsye të re për ta provuar, shkruan focus.it.

Pirja e duhanit shkakton mutacione të rrezikshme në ADN që bllokojnë prodhimin e proteinave që janë aleatët tanë kundër kancerit. Studimi sqaron një mekanizëm tjetër molekular me të cilin pirja e duhanit shkakton tumore – domethënë, një erozion progresiv të mbrojtjes sonë natyrore kundër qelizave të sëmura.

Shkencëtarët në Institutin e Ontarios për Kërkimin e Kancerit (OICR, Kanada) kanë lidhur pirjen e duhanit me ndryshimet e rrezikshme në ADN të quajtura mutacione ”stop-gain”, të cilat “i thonë” trupit të ndalojë së prodhuari disa proteina përpara se ato të zhvillohen plotësisht”. Ky ndalim i detyruar duket se prek kryesisht gjenet shtypës të tumorit, përgjegjës për kodimin e proteinave që riparojnë ADN-në e dëmtuar ose shtypin rritjen e qelizave tumorale sapo ato shfaqen.

Kur këto proteina nuk prodhohen, qelizat anormale janë të lira të shumohen. Kjo lejon që kanceri të përhapet më lehtë. ///