“Shqipëria e bukur”, Rama ndan foto nga Ksamili

 Ksamili, falë detit të kristaltë e ishujve me plazhe mahnitëse që arrihen lehtësisht nga bregu, si dhe afërsisë me qytetin antik të Butrintit, ka tërhequr çdo vit mijëra turistë vendas e të huaj. Kryeministri Edi Rama, në kuadër të rubrikës “Beautiful Albania”, ndau pamje nga Ksamili, ku qytetarët këto ditë të ngrohta marsi kanë bërë edhe plazh në ujërat e kristalta të Jonit.

Ksamili është një qytet i vogël në brezin bregdetar të quajtur zakonisht riviera shqiptare, që shtrihet në detin Jon me ngjyrë bruz dhe përballë ishullit grek të Korfuzit. Vitin e kaluar Ksamili u rendit si vendi i dytë më i kërkuar për pushime në AirBnB në mbarë botën.///