Sinjale pozitive nga Këshilli Politik/ Mazhoranca bie dakort për propozimin e opozitës

Një sinjal pozitiv ka ardhur sot nga Këshilli Politik për Reformën Zgjedhore. Mësohet se mazhoranca është dakordësuar në lidhje me një nga propozimet e Opozitës. , që ka të bëjë me shkurtimin e periudhave zgjedhore.

Tryeza për Reformën Zgjedhore ka pranuar që zgjedhjet do të mbahen në periudhat nga 15 prill-15 maj dhe nga 15 tetori – 15 nëntor.

Ndryshe nga varianti aktual ku Presidenti detyrohet të caktojë datën në një nga 2 të dielat e fundit të periudhës, tani presidenti nuk ka kufizim.

Ai mund të dekretojë zgjedhjet në secilën nga të dielat brenda periudhës së re të miratuar.

Opozita propozoi shkurtimin e periudhave në mënyrë që zgjedhjet të mos zhvillohen në periudha që ndikojnë në sezonin turistik, por t’u jepet qytetarëve çdo mundësi për të ushtruar të drejtën e votës