28 miliardë lekë për të mbajtur të palëvizur çmimin e energjisë elektrike

Qeveria ka financuar 28 miliardë lekë për të mbajtur të palëvizur çmimin e energjisë elektrike në faturat e bizneseve të vogla dhe konsumatorëve familjarë.

Kryeministri Edi Rama solli sot në vëmendje këtë financim të vendosur në kuadër të Paketës së Rezistencës Sociale, i cili shkon për kompensimin e rritjes së çmimit të energjisë.

Në total janë 726 mijë familje dhe 95 mijë biznese të vogla që mbrohen nga rritja e çmimit të energjisë elektrike, si rrjedhojë e mburojës financiare të vendosur nga qeveria.

Në tregjet ndërkombëtare energjia elektrike është rritur nga 52 euro për megavat-orë një vit më parë, në 550 euro për megavat-orë.