Kuvendi rrëzon dekretin për Parkun e Butrintit, vetëm 27 deputetë të opozitës pro Metës

uvendi ka rrëzuar dekretin e Ilir Metës për Parkun e Butrintit me 72 vota kundër 27 pro dhe 2 abstenim. Meta ktheu në Kuvend marrëveshjen për Butrintin pasi sipas Presidentit cënon interesin e shqiptarëve.

Sjellim në vëmendje se 2 ditë më parë, mes debateve Komisioni i Ekonomisë ka rrëzuar dekretin e kreut të shtetit që kthente për riishqyrtim marrëveshjen për menaxhimin e Butrintit nga një fondacion i krijuar enkas nga Ministria e Kulturës dhe përfaqësues të Fondacionit Shqiptaro-Amerikan për Zhvillim.

Argumentat e presidentit janë se kalimi i menaxhimit të Parkut Kombëtar të Butrintit tek ky fondacion jo vetëm është antikushtetues, por shkel dhe një sërë konventash ndërkombëtare. Përfaqësuesi ligjor i Metës jo vetëm kërkon pranimin e dekretit, por dhe hetim parlamentar për këtë çështje.

Në të njëjtën anë qëndron dhe opozita që mbështet dekretin e presidentit. Por që sot, nga 63 deputetë të saj, vetëm 27 kanë qendruar në seancë që ta mbështesin Presidentin.

Por mazhoranca i hedh poshtë këto argumenta dhe pretendon se presidenti vijon ta përdorë politikisht zyrën e tij për të goditur shumicën.///