Dua Lipa, pushime në Shqipëri

 Këngëtarja shqiptare me famë botërore, Dua Lipa, ndau m; 27 korrik në rrjetet sociale një album fotografik, të cilin e ka titulluar “Home” (shtëpi) duke i bashkangjitur edhe flamurin shqiptar.

Menjëherë ky postim ka ngjallur reagime në rrjet, ku ndjekësit e saj shqiptarë i urojnë mirëseardhjen. Duket se diva e muzikës ka zgjedhur Shqipërinë për të kaluar një pjesë të pushimeve verore, duke u bërë kështu një promovuese e jashtëzakonshme e turizmit shqiptar.

Dua shfaqet vetëm në fotografitë e publikuara sot, veshur me një fustan të markës “Celine” (4200 €), në bregdetin shkëmbor të jugut.

Megjithëse ajo nuk jep detaje të tjera, mendohet se gjendet në Ksamil. Dy vjet më parë ajo gjendej po në Ksamil me familjen dhe në fotot e ndara në rrjet shkroi “I never wana leave!” (Nuk dua të largohem kurrë).