Kapiteneritë e Porteve Vlorë dhe Sarandë njoftuan sot se, për shkak të përkeqësimit të kushteve hidrometeorologjike detare përgjatë bregdetit shqiptar, ndalohet lundrimi i mjeteve të vogla, anijeve turistike dhe anijeve të peshkimit në zonat lundrimore të Vlorës dhe Sarandës.
Sipas njoftimit, masat do të jenë në fuqi deri në orën 06:00 të datës 25 korrik 2026.
Drejtoria e Përgjithshme Detare informoi se parashikohet erë nga drejtimi veri–veriperëndim, me forcë 6–7 bft (15–25 m/s), si dhe lartësi dallgësh nga 1.50 deri në 3.50 metra.
Pronarët, operatorët dhe kapitenët e mjeteve lundruese duhet të sigurojnë mjetet në port dhe të respektojnë udhëzimet e Kapitenerisë së Portit.
Ndërkohë, anijet e transportit ndërkombëtar do të vijojnë operimin normalisht.
Sipas njoftimit, situata pritet të përmirësohet pas orës 06:00 të datës 25 korrik 2026.///
ME SHUME LAJME
Shoqëruan gazetaren në Komisariat, Unioni i Gazetarëve reagon ashpër dhe paralajmëron Skënder Hitën: Përsërite dhe na gjen të gjithëve në protestë
MEMORIE. 105-vjetori i themelimit të shkollës së parë teknike në Shqipëri
Media spanjolle: Riviera Shqiptare, zgjedhja ideale për pushime larg turizmit masiv