Fluturimi 168 i “United Airlines”, nga Tel Avivi për në Newark, u devijua drejt Athinës dhe u ul në mënyrë të sigurt, pasi një erë e ngjashme me diçka që digjet u ndje në kabinën e pasagjerëve, duke çuar në shpalljen e një gjendjeje emergjente.
Devijimi drejt Aeroportit Ndërkombëtar të Athinës u vendos për shkak të shqetësimeve për një defekt të mundshëm teknik ose zjarr.
Pasagjerët zbritën normalisht dhe nuk u raportua për asnjë të lënduar.
“United” konfirmoi devijimin, duke bërë të ditur se po organizon një fluturim alternativ për të vazhduar udhëtimin drejt Newarkut.
Kompania ajrore nuk e identifikoi burimin e erës.
Një kontroll i kryer nuk gjeti asnjë zjarr në bord, por avioni u dërgua për verifikime të mëtejshme teknike dhe mirëmbajtje./(Arjan JORGAQI)///
ME SHUME LAJME
Opinion. Edi duhet të mbrohet nga Rama!
Memorie: Formula e Pagëzimit, 564 vite nga dëshmia e parë e datuar e shqipes së shkruar
Rregulla të reja për muzetë dhe monumentet e kulturës, grante edhe për monumentet në pronësi private