Banderolë për Mourinho në Tiranë: Mirë se vini në Romën e vogël

Një banderolë e madhe u vendos në Universitetin Politeknik të Tiranës për trajnerin e skuadrës së Romës, Jose Mourinho.“Mirë se vini në Romën e vogël zoti Mourinho”, shkruhet në banderolën e vendosur nga tifozët shqiptarë të skuadrës së Romës.

Gjatë konferencës së sotme për shtyp në Tiranë Mourinho tha se “Shqipëria, të them të drejtën është hera e parë që e vizitoj. Është një nga pak vendet në Evropë që nuk e kam vizituar. Sepse futbolli më ka çuar kudo, por jo në Shqipëri dhe të vijë këtu është e mrekullueshme”.

“Stadiumi është vërtetë i mrekullueshëm dhe më vjen keq që nuk ka vend për më shumë njerëz”, tha trajneri Mourinho.Nesër në Tiranë do të zhvillohet finalja e madhe e Conference League, ku Roma dhe Feynoord do të ndeshen për kupën e kësaj ngjarje të rëndësishme sportive.///