Berdenesh, Sarandë: 17 vjeçari Kanosi përmbaruesin dhe avokaten. Shpallet në kërkim 17 vjeçari, procedohen edhe 10 banorë.

Një 17 vjeçar ka kanosur përmbaruesin dhe avokaten të cilët shkuan në fshatin Berdenesh (Bashkia Sarandë) për ekzekutimin e një vendimi gjyqësor, por është shpallur në kërkim. Ndërkohë janë proceduar edhe 10 banorë që kanë vepruar në kundërshtim me ligjin.

Lidhur me këtë ngjarje, Policia doli me një njoftim për mediat ku tgeksohet se specialistët për Hetimin e Krimeve të Komisariatit të Policisë Sarandë referuan materialet në Prokurori dhe shpallën në kërkim një shtetas 17 vjeç, pasi ditën e djeshme, në fshatin Berdenesh, ka kanosur për shkak të detyrës, shtetasin E. M., me detyrë përmbarues dhe shtetasen E. K., avokate, të cilët kishin shkuar në këtë fshat, për të ekzekutuar vendimin e Gjykatës, për prishjen e një objekti. Në vijim të veprimeve për këtë rast, nisi procedimi në gjendje të lirë edhe për shtetasit: E. Rr., 36 vjeç, E. Q., 35 vjeç, H. Gj., 32 vjeç, Sh. P., 30 vjeç, A. D., 56 vjeç, K. L., 24 vjeç, D. M., 37 vjeç, T. Rr., 32 vjeç, L. N., 51 vjeç dhe E. Rr., 29 vjeç, banues në fshatin Berdenesh, Sarandë (familjarë të 17-vjeçarit), për veprën penale “Mosbindja ndaj urdhrit të punonjësit të policisë së rendit publik”, pasi nuk iu janë bindur urdhrave të punonjësve të Policisë që kanë qenë në mbështetje të përmbaruesit, për zbatimin e vendimit të Gjykatës. /sarandaNews.al///