Komisioni i përkohshëm i Rithemelimin e PD-së, dalë si nismë e ish-kryeministrit Sali Berisha, njoftoi sot nëpërmjet votës së anëtarësisë janë zgjedhur 6 kandidatë për kryetar bashkie në zgjedhjet e pjesshme vendore të 6 marsit.
Komisioni për Organizimin dhe Kontrollin e Operacioneve Elektorale njofton sot se procesi i votimit për primaret në degën e PD Dibër, Lushnjë, Durrës, Vorë, Rrogozhinë dhe Shkodër ka përfunduar.
Sipas të dhënave nga komisioni, kandidati për bashkinë e Vorës u zgjodh Lulzim Vrana, me 277 vota.
Në bashkinë Dibër u zgjodh Premtim Riza Kryemadhi, me 424 vota nga 713 votues që morën pjesë.
Në degën e PD-së Rrogozhinë nga gjithsej 316 votues u zgjodh Hekuran Seman Xhani me 211 vota.
Në degën e PD-së Lushnjë nga 1056 demokratë votues, u shpall fitues Elton Bano me 671 vota.
Në degën e PD-së Durrës anëtarësia që mori pjesë në primare, zgjodhi fitues kandidatin Ardian Muka.
Në Shkodër, anëtarësia që votoi zgjodhi Bardh Spahinë me 229 vota.///
ME SHUME LAJME
Sport. Ekipi i “Adem SHEMES”, Kampion i Qarkut të Vlorës në basketboll
Sarandë. Rigels Dervishi zgjidhet kryetar i Dhomës Vendore të Avokatisë
Sarandë. Policia shpalli në kërkim 5 shtetas që në një konflikt qëlluan me armë zjarri.