Nga Alda ÇUKA
Sistemimi i rërës, çdo prag sezoni plazhi është një rutinë pune e nevojshme në bashkinë e Sarandës. Madje do të përcillej thjesht si një rutinë pune, siç ësht psh: krasitja e pemëve dekorative, apo pastrimi i rrugeve dhe rrugicave të[ Sarandës.
Po ajo që e bën më “të veçantë” sistemimin dhe gërmimin e rërës në plazhet e qytetit, është fakti se mjeti i rëndë gërmues dhe sistemues, hyn pa teklif fare në orën 11.00 dhe nis e gërmon rërën dhe e sposton atë duhet shesh duke e ngritur ne erë si gruri në lëmë.
Ndërkohë, fare pranë mjetit të rëndë, ka njerëz që bëjnë plazh, diku edhe me fëmijë.
Pluhuri ngrihet lart , përhapet deri në karriget e një kafe bari pranë plazhit aty pranë ku në dy tavolina klientët pijnël kafen qetësisht dhe bëjnë sehir sesi mundet që edhe të punohet me mjet të rëndë e me pluhura në orën 11.00 edhe të bëhet plazh! Po djaloshi që drejton mjetin punon me përkushtim, pa u lodhur, që nga buza e detit deri te pjesët e tjera të plazhit.
Njerëzit habiten: përse kjo punë nuk bëhet herët në mëngjes?
Por dikush edhe mund të përgjigjet nga sektori i shërbimeve në bashki: A ç’keni qejf edhe ju qytetarë që nuk dini ç’kërkoni? Ankoheni edhe për pluhur e ndotje mjedisore, pale? Qytetarë tekanjozë dhe mosmirënjohës!! Ja ç’jeni! /sarandaNews.al///
ME SHUME LAJME
Sport. Ekipi i “Adem SHEMES”, Kampion i Qarkut të Vlorës në basketboll
Sarandë. Rigels Dervishi zgjidhet kryetar i Dhomës Vendore të Avokatisë
Sarandë. Policia shpalli në kërkim 5 shtetas që në një konflikt qëlluan me armë zjarri.