Zëdhënësi i qeverisë greke, Stelios Petsas njoftoi sot një numër të vogël ndryshimesh në përbërjen e qeverisë, të përshkruar si përmirësime funksionale, kryesisht në nivelin e zëvendësministrave.
“Kryeministri, Kyriakos Mitsotakis, është duke përfunduar formimin e qeverisë, e cila mbetet e pandryshuar për sa i përket numrit të saj dhe udhëzimeve të politikës së saj të reformës”, tha Petsas duke theksuar se ndryshimet kanë të bëjnë me sektorët e financave, zhvillimit, punës, shëndetësisë dhe mjedisit.
Petsas tha se ndryshimet synojnë një menaxhim efektiv të fondeve të rritura të komunitetit, një mbështetje të punës dhe sistemit të sigurimeve shoqërore dhe mbrojtjen në mënyrë efektive të mjedisit.
“Përballë sfidave të kohës, një formacion tashmë i suksesshëm i qeverisë po kalon përmirësime funksionale të vendosura nga kryeministri, në mënyrë që të përmbushë pritjet e qytetarëve”, shtoi ai.
Petsas tha se anëtarët e rinj të qeverisë do të betohen nesër, në rezidencën presidenciale///
ME SHUME LAJME
Sarandë. “Lavazh makinash” por shisnin kanabis, arrestohen dy.
Sarandë. Referohen tre persona në polici: për falsifikim pronësie, shantazh dhe dhunim
TURIZËM – TTW: Nga plazhet e kristalta te historia, ndryshojnë preferencat e turistëve në Shqipëri