Me hyrjen në fuqi në 1 qershor të ligjit për ndalimin e përdorimit të qeseve njëpërdorimshe grupet e Ministrisë së Turizmit dhe Mjedisit që vijojnë informimin në terren.
Ministrja e Turizmit dhe Mjedisi, Mirela Kumbaro ndau sot në rrjetet sociale momente nga puna e grupeve të Ministrisë në dyqane dhe biznese për nxitjen e përdorimit të çantave prej pëlhure.
“Grupet e Ministrisë së Turizmit dhe Mjedisit vijojnë informimin në terren në dyqane e biznese për ligjin që ndalon prodhimin, importimin dhe tregtimin e qeseve plastike njëpërdorimshe duke nxitur përdorimin e çantave dhe trajseve”, shprehet Kumbaro.
Qeveria e Shqipërisë vendosi që prej 1 qershorit 2022, prodhimi, importi dhe përdorimi i qeseve plastike mbajtëse si dhe e qeseve plastike mbajtëse të oxo-degradueshme apo oxo-biodegradueshme të ndalohet me ligj. Kjo masë e ndërmarrë nga qeveria synon reduktimin e plastikës së dëmshme për një mjedis të pastër që ndihmon në zhvillimin e turizmit dhe të ekonomisë së vendit.///
ME SHUME LAJME
Arta Dade. Ish-bashkëpunëtorja i çon mesazh të koduar Edi Ramës: Përvishju gjermanishtes, do të të duhet më shumë se shqipja e protestës!
Tragjike në Gjirokastër, mbytet një 62-vjeçar në liqenin e Viroit
Rama: Aeroporti i Vlorës do të hapet me patjetër