Pas një sëmundje të rëndë u nda nga jeta bashkëqytetari ynë sarandiot , Cane Skënder Alikaj.
Cane Alikaj, ishte intelektuali dhe qytetari model e korrekt , bashkëshorti model, një prind i dhembshur dhe një njeri që kudo ku punoi deri ditët e fundit, në Kompaninë Ujësjellës Kanalizime, mishëroi mirësinë e ushqyer nga vatra e tij familjare Alikaj, por edhe, qytetarinë e mirënjohur sarandiote .
Ai u lind në Sarandë në 9 dhjetor të vitit 1961 dhe po në qytetin e lindjes ndoqi arsimin parauniversitar. Cane Alikaj më pas përfundoi studimet universitare për ekonomik në degën mercologji. Ai punoi profilin e tij në disa sektore si në ndërmarrjen tregtare , në telekomunikacion dhe vitet e fundit në kompaninl Ujësjellës- Kanalizime, Sha Sarandë.
Cane Alikaj është i martuar me Tatjana Kordha Alikaj. Është prind i dy fëmijëve, një djali dhe një vajze, që të dy me arsim të lartë. Në jetën e tij tepër të shkurtër Cane Alikaj la pas gjurmët e pashlyera të njeriut fisnik, zyrtarit te dinjitetshëm e të përkushtuar me qetësinë dhe zemërgjerësinë që e karakterizonte, si vlera të cilat i rrezatonte kurdohere .
Ndarja e parakohshme nga jeta e Cane Alikaj, solli pikëllim jo vetëm për familjaret e Tij, por për qindra mijëra sarandiotë kudo që ndodhen, sepse njerëzit fisnikë, si i paharruari Cane Alikaj, ishin dhe mbeten nje dhuratë e Zotit për të gjithë ne, kontakti me të cilet, na i bënte çastet në këtë jetë më të buta dhe, me humane.
Stafi i SARANDANEWS.AL i shpreh me këtë rast, ngushëllimet me të ndjera familjes dhe të afërmve të Cane Alikaj. Lamtumire Cane Alikaj, ikonë e qytetarit të thjeshtë sarandjot !//SARANDANEWS.AL///
ME SHUME LAJME
Sport. Ekipi i “Adem SHEMES”, Kampion i Qarkut të Vlorës në basketboll
Sarandë. Rigels Dervishi zgjidhet kryetar i Dhomës Vendore të Avokatisë
Sarandë. Policia shpalli në kërkim 5 shtetas që në një konflikt qëlluan me armë zjarri.