Komisioni Europian publikoi sot raportin për Shqipërinë sa i përket shtetit ligjor, ku thekson se ka vazhduar zbatimi i reformës në drejtësi duke forcuar pavarësinë e gjyqësorit dhe autonominë e prokurorisë.
Në raportin e KE-së thuhet se ka ende sfida sa i përket vlerësimeve në kohë dhe me cilësi si dhe me emërimet e anëtarëve jo-magjistratë në Këshillin e Lartë Gjyqësor dhe atë të Prokurorisë.
Sa i përket Inspektoratit të Lartë të Drejtësisë, KE-ja raporton se institucioni është funksional, por numri i lartë i vendeve vakante ndikon në efektivitetin e tij.
Gjithashtu Komisioni Europian në raportin e tij vlerëson punën e SPAK.
“Struktura e Posaçme Kundër Korrupsionit (SPAK) konsolidoi më tej rezultatet e saj pozitive në luftën kundër korrupsionit në nivelet e larta dhe bëri përparim të prekshëm drejt krijimit të një bilanci të qëndrueshëm në këtë luftë”, theksohet në raport.
Lidhur me luftën ndaj korrupsionit raporti thekson se “Policia e Shtetit mbetet e ndjeshme ndaj korrupsionit”.
Sa i përket Gjykatës Kushtetuese në raport thuhet se funksionon në mënyrë efektive, por Komisioni Europian vëren se ka “shqetësime për mosrespektimin e vazhdueshëm nga ana e Kuvendit të disa vendimeve të saj, si dhe pasiguri ligjore për kohëzgjatjen e saktë të mandatit të anëtarëve të saj”.
Komisioni Europian thotë se qëndrueshmëria e sistemit gjyqësor është përmirësuar.(Klodi SARAÇINI)///
ME SHUME LAJME
Sport. Ekipi i “Adem SHEMES”, Kampion i Qarkut të Vlorës në basketboll
Sarandë. Rigels Dervishi zgjidhet kryetar i Dhomës Vendore të Avokatisë
Sarandë. Policia shpalli në kërkim 5 shtetas që në një konflikt qëlluan me armë zjarri.