KULTURË.PORTRET: Ana Feimi, vajza që udhëheq artistët e vegjël të pikturës në Sarandë

Nga Vesim GËRXHUNI

Ana Feimi, është vajza që udhëheq e mentoron artistët e vegjël të pikturës në Sarandë.

Modeste, e përkushtuar, me frymën ngaherë pozitive e nxitëse për talentet e reja në pikturë, Ana, e kualifikuar për skulpturë dhe pikturë, prej disa vitesh përzgjedh, udhëzon dhe “merr për dore” dhjetra e dhjetra djem e vajza në Sarandë, në sytë dhe shpirtin e të cilëve të cilëve ka mundur të ndezë shkëndijat e talenteve dhe mlnyrën sesi ta shihin botën përreth këta artistë të vegjël.

Studioja e Anës është diku në rrugën e re të Lëkurësit, që tashmë është shndërruar në një arterie turistike e Sarandës.

Ana Feimi, ka lindur në Lukovë dhe duket se bart diçka prej magjisë se detit në sy dhe në shpirtin prej artisteje. Prindërit e saj janë njerëz të thjeshtë, të punës që lumturohen prej vajzës së tyre artiste.

Klasat e mësimit të Anës kanë piktorët dhe skulptorët e ardhshëm të Sarandës e më gjerë.

Ana, nuk ka kohë. Vrapon se epresin nxënësit, piktorët e vegjël te të cilët prindërit, lumturohen tek shohin sesi. nga belbëzimet e vizatimeve të para, marrin formë pikturat dhe bota e re shpirtërore e tyre.

Por Ana është edhe autore e një basorelievi të mrekullueshëm me motivet e 40 Shenjtorëve, martirë të besimit dhe, mitit që i dha emrin Sarandës që nga mugujt Mesjetës./sarandaNews.al///