Kumbaro: 21% e territorit të Shqipërisë zonë e mbrojtur

Ministrja e Turizmit dhe Mjedisit, Mirela Kumbaro tha se fundi se si asnjëherë më parë, kemi 21 % të territorit të Shqipërisë zonë të mbrojtur.

Kumbaro theksoi se “i kemi ruajtur, i kemi përditësuar, i kemi shtuar zonat e mbrojtura dhe pa ulur ritmin, kemi nisur punën për planet e menaxhimit për të krijuar modele të qëndrueshme zhvillimi në këto territore që janë thesare natyrore e për të na dhënë mundësinë të krijojmë kalendarin e turizmit gjithëvjetor me sportet e aventurës, kulinarinë, ekoturizmin, turizmin malor”.

“Pas një pune të gjatë në terren, përpjekjet për shtrirjen e zonave të mbrojtura kurorëzohen me vendimet e Këshillit të Ministrave, ku, ndër të tjera: Lumi i Vjosës shpallet Park Natyror, Lugina e Shalës shpallet Park Natyror, Thethi, Valbona e Lumi i Gashit bashkohen në Parkun Kombëtar “Alpet e Shqipërisë”, Munella shpallet Park Natyror, Syri i Kaltër shpallet Park Natyror’, tha Kumbaro.

Sipas ministres dhe shumë zona të tjera të mbrojtura rrisin sipërfaqen e tyre.

Këshilli i Ministrave vendosi dje përditësimin e të gjithë territorit, rishikimin, rivlerësimin e zonave ekzistuese të mbrojtura të të gjitha kategorive, që nga monumentet e kulturës, monumentet e natyrës dhe parqet kombëtare./atsh///