Livinë. Identifikohet autori i vënies së zjarrit

Policia ka mundur të identifikoje autorin e dyshuar të zjarrvënies. Burimet bënë të ditur se, shtetasi Mario Buzuka, 36 vjeç, banues në fshatin Livinë, pasi ka vënë zjarrin në tokën e tij zjarri i ka dalë jashtë kontrollit, ndërkohë që ai është larguar nga vendi i ngjarjes.

Shërbimet e Policisë vijojnë punën për lokalizimin dhe kapjen e tij.

Ndërkohë, shërbimet policore, zjarrfikësit, emergjencat civile dhe një helikopter i Ministrisë së Mbrojtjes po vijojnë intensivisht punën për shuarjen e zjarrit.

Drejtoria Vendore e Policisë Vlorë apelon për qytetarët që në asnjë rast të mos ndezin zjarre, pasi ky veprim përbën krim dhe ndëshkohet penalisht, si dhe i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe procedimin penal të shtetasve përgjegjës.///