Meta, takim me Berishën: Opozita, e bashkuar në 14 maj

 Kryetari i Partisë së Lirisë, Ilir Meta pas takimit me kryetarin e grupit të Rithemelimit në Partinë Demokratike, Sali Berisha në selinë e PD, deklaroi se opozita është e bashkuar për ndryshim në zgjedhjet e 14 majit.

Në një prononcim për mediet, Meta tha se opozita do të jetë bashkë në zgjedhjet e 14 majit.

“Bashkë për ndryshim për të çrrënjosur monizmin nga pushteti vendor dhe njëherë e përgjithmonë për të rikthyer llogaridhënien. Të gjithë opozitarët janë bashkë për ndryshim. Kandidatët e primareve janë të mrekullueshëm, të jashtëzakonshëm. Shumica dërrmuese e të gjithë këshillave bashkiakë do jetë e opozitës së bashkuar”,-tha Meta.///