Në 24 orë mblidhen 13 mijë firma për Teatrin, sot protesta zhvendoset para SPAK-ut

Aleanca për Mbrojtjen e Teatrit zhvilloi dje protestën e radhës, tre ditë pas shembjes së godinës së Teatrit Kombëtar.

Ndërkaq u iniciua një peticion ku në 24 orë u mblodhën plotë 13 mijë firma, e ku kërkohet që Teatri të ringrihet në të njëjtin vend dhe ashtu si ishte. Qëllimi i tyre është që të arrijnë në 1 milionë firma.

Ndërkaq, mes kërkesave të komunitetit të artistëve dhe aktivistëve është hetimi për shembjen e Teatrit Kombëtar më 17 maj.

Peticioni kombëtar që do të shpërndahet në gjithë Shqipërinë, me qëllim rindërtimin e teatrit ku ishte dhe siç ishte duke ruajtur identitetin e tij.

Ndërkaq, sot protesta e artistëve do të zhvendoset para SPAK-ut, ku do të kërkohet nisja e hetimeve nga Prokuroria e Posaçme.

Kujtojmë që Aleanca për Mbrojtjen e Teatrit ka depozituar dy padi ndaj Erion Veliajt në SPAK, ku kryebashkiaku akuzohet për “shpërdorim detyre”, si dhe “korrupsion i zyrtarëve që kryejnë funksion publik, kryer në bashkëpunim”.