Në plazh nga Tirana me kobure. Arrestohet

Ne plazhin e Jalës ne Himarë nje 30 vjecar ka qarkulluar me pistolete por nuk i ka shpetuar syrit te Policise.

Policia vuri ne dukje ne nje njoftim te sotem: “Qarkullonte me armë zjarri me vete në zonën e plazhit në Jalë, kapet dhe arrestohet në flagrancë 30-vjeçari. Sekuestrohet në cilësinë e provës materiale një armë zjarri pistoletë pa leje. “

PoLicia sqaroi se “Në zbatim të Planit të Masave të hartuar nga Drejtoria e Përgjithshme e Policisë së Shtetit, për garantimin e rendit dhe sigurisë dhe parandalimin e ngjarjeve kriminale gjatë sezonit turistik, bazuar dhe në informacionet e siguruara nga qytetarët, shërbimet e Komisariatit të Policisë Himarë, në bashkëpunim me Forcën e Posaçme “Shqiponja”, kanë intensifikuar punën dhe si rezultat i kontrolleve të shtuara kanë identifikuar, kapur dhe arrestuar në flagrancë shtetasin M. K., 30 vjeç, banues në Tiranë.

30 vjeçari eshte kapur ne zone e “Kampingut” ne Jale gjate kohes kur kishte hipur ne nje autoveture si pasagjer.

Gjatë kontrollit në çantën e dorës të shtetasit M. K., shërbimet e Policisë gjetën dhe sekuestruan në cilësinë e provës materiale një armë zjarri pistoletë. Në përfundim të veprimeve të para hetimore u bë arrestimi në flagrancë i shtetasit M. K., për veprën penale “Armëmbajtje pa leje”. Materialet procedurale do t’i kalojnë Prokurorisë pranë Gjykatës së Shkallës së Parë Vlorë, për veprime të mëtejshme.-saktesoi sot Policia./SARANDANEWS.AL///